منتديات شباب ليبيا الحرة
اهلا بك عزيزي الزائر نرحب بك في الانضمام لأسرة منتدانا ونتمنى لك قضاء امتع الاوقات برفقتنا اضغط على التسجيل اذا كنت غير مسجل وشكرا لك على الزياره


منتديات شباب ليبيا الحرة


 
الرئيسيةالبوابةاليوميةمكتبة الصورس .و .جبحـثقائمة الاعضاءالمجموعاتالتسجيلدخول
المواضيع الأخيرة
» معايدة عيد الفطر المبارك
الجمعة يوليو 08, 2016 10:10 pm من طرف الهبيل

» نيمار يجدد عقده لخمس سنوات
الجمعة يوليو 01, 2016 5:35 pm من طرف الهبيل

» زكاة الفطر
الجمعة يوليو 01, 2016 5:20 pm من طرف الهبيل

» دعاء القنوت وحكمه في صلاة الفجر
الجمعة يوليو 01, 2016 5:00 pm من طرف الهبيل

» ســجل دخـولكـ بـنــطقْ الشهــادتيـن ..!!
الجمعة يوليو 01, 2016 4:55 pm من طرف الهبيل

» مراسم أداء القسم وتكليف الفريق خليفة حفتر قائداً عام للجيش الليبي
الجمعة مارس 13, 2015 12:10 pm من طرف الـكـاسـح

» تعزيه الي ابناء القبه
الجمعة فبراير 20, 2015 11:27 pm من طرف الـكـاسـح

»  سجل حضورك بكلمتان خفيفتان علي اللسان ثقيلتان في الميزان
الأحد فبراير 15, 2015 9:04 pm من طرف الـكـاسـح

» سجل حضورك بالصلاة علي المصطفي الحبيب سيدنا محمد
الأحد فبراير 15, 2015 9:01 pm من طرف الـكـاسـح

أفضل 10 أعضاء في هذا المنتدى
بنت بنغازي - 3790
 
الهبيل - 2483
 
الـكـاسـح - 1398
 
السنيورة - 735
 
نور فبراير - 396
 
ورفلي حر - 348
 
ابتسامة شهيد - 156
 
سمآ - 132
 
tofrelouir - 111
 
مصاص الدماء - 93
 
المواضيع الأكثر شعبية
طريقة اشهار منتدانا ع الفيس بوك
كباب لحم في الفرن
سجل حضورك بالصلاة علي المصطفي الحبيب سيدنا محمد
دفتر الحضور والغياب ممكن توقعو..
الــرقـمْ القــيآسـى لمنتـــدى شبآب ليبيا الحــرهـ ..!!
ســجل دخـولكـ بـنــطقْ الشهــادتيـن ..!!
العملة الليبية الجديدة
سجل حضورك بمدينة من مدن ليبيا الحرة!!!
$$$$ سجل دخولك بكاريكاتير ... $$$$
سجل حضورك بكلمتان خفيفتان علي اللسان ثقيلتان في الميزان


شاطر | 
 

 مجموعة متنوعة من المسجات والخواطر الليبية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الـكـاسـح
المدير العام
المدير العام


احترام قوانين المنتدى :

الجنس : ذكر
المزاج :
عدد المساهمات : 1398
تاريخ التسجيل : 15/09/2011
الموقع : طبرق / ليبيا الحرة

مُساهمةموضوع: مجموعة متنوعة من المسجات والخواطر الليبية    الجمعة ديسمبر 02, 2011 2:12 pm

مسجات
ليبيه , خواطر ليبية - رسائل ليبيه 2011
نبدأ بالمسجات




ماني امهاجر ،، ولا هو غلا بالغش فيه انتاجر ،،، غلاكم ملا العيون
***
تجفا اللى يجفاها .. وتقيم صوب من غاله صحيح غلاها .. العين فى الغلا تجفا
***
الصبر عطينى ... الغــالى بكاء ماهو أقبالت عينى ..يالله صبرنى الصبر عطينى
***
خلك بـعيد علي ..مادام المحبه ما عاد تعني شي .. بالله ابعد وخلك بعيد علي
***
فوق القمة وحق من خلق موسى ورده لامه... عندى امكانك فووق ..فوق القمه
***
موش رسايل" ولامسجات فى نقال قولت قايل" كلام من صميمي ماعليك انحايل
***
الله يحفظك مافيك شي انذمه ...غالى وغالى فوق مااتخايل وانت صميم القلب وانت دمه
***
راني حي .. لكن بلاكم موش حامل شي ..ان كان تنشدوا عالحال .. راني حي
***
بدري بدري .. ان كان في عيون عزيز ينقص قدري .. ايجيبك الله ياموت ..بدري بدري
***
واضح بلا تفسير .. لا يريد قاضي ولا يريد خبير .. قدرك معانا فات قدر الغير
***
في ناس كيف الدوا تمرض اداوي بيهم ..وفي ناس كيف الهوا ماتعيش الا بيهم
***
ماهو مني .. يجيني عليك ارياف غصبن عني .. تعود عليك القلب ماهو مني
***
ياعروق عروقي .. واخذ ريافي والحنين وشوقي ..وماهن خسارة فيك
***
ديدش الخاطر في طريقك قوده .. بات منعمي مو عارف طريق العوده
***
الخاطر كان صابه دهاب الشيره .. ينهوه على دير الخطا ويديره
***
سببها رنه .. سمعت صوتك ألقيت فيه محنه .. الخاطر تعلق بيك سببها رنه
***
ميت موت على شوفتهم ****** يحسابوا عقلى فايتهم
***
غلاكم ما طقه مخلوق ***** مكانه فى منبت العروق
***
يا مالكين الروح ديمة رنو لا تقطعوا علينا وديما حنوا
***
عندك حق ابكى ياروحى... جريتك للنار بروحى
***
بدا خاطري مشتاق زاد جنونه... كاتر لهيب النار فى كانونه
***
عزيز تكبر مايحساب... عقاب الدنيا تحت تراب
***
لو كان ليك إندزه تنسى روحك وإللى حذاك تلزه عندى غلاء .. لوكان ليك إندزه.
***
ايقول الاول,,في ميال غلاك اغرقنا .....دور غواصه ولحقنا
رد عليه الثاني,,قلنالك ما تعوم بحرنا ....راهو تموت علي خاطرنا؟
***
شتاوة مصريه...يا مرهون أعملك إيه ..أنت مش طايقني ليه
***
مانك منهم... كلك حنان ودوق تفرق عنهم ... مانك متيل الناس مانك منهم
***
ماله بنة عندي العمر متكدر إحليلي منه . . . بلا شوفتك هالوقت ماله بنة
***
نبقى ضالم ... يلى بغلاكم بس ربى عالم ... لو نسيتكم من البال نبقى ضالم
***
ناجحه مقبول.علي ضعفها منهو اللي مسؤول العين في غلاكم ناجحه مقبول
***
جفاك مطول لا بالله مانك وليفى الاول اللى نشغله وين ما عليه انطول
***
حاجه روعه حسك رقيق وضحكتك دلوعه جميع الاوصاف فيك حاجه روعه
***
ضايق علمي وين ما انغفي ننضره فى حلمي خلاني عزيز انحوس ضايق علمي
***
مزال قلبي على الوفاء ما خانك وصعب نسيانك وصقع على غيرك إيجي مكانك
***
نسكت ونسنط سطير عظامي... عندي خير ماتسمع الناس كلامي
***
غلاكم يا العزيز علي جنب غلاء الاهلي بشوية
***
إمرايف عليك أرياف نادر نوعه ... إمخلط غلا ودموع فوق اللوعة.
***
لو صبيت بالخوصة تبي تقتلني .....افطن تنخس روحك وتزعلني
***
غلاكم وين عجاجه يرقى ..لا يخلي كاغط لا ورقه
***
مرايف يالولاف عليكم ...وحده وحده نين انجيكم
***
ياريتني مابين رمش اهدوبك **نسقيك الغلا والناس مايدروبك **ياريتني نقدر انخش احلامك*
*انجيب المطر يسقن ربيع ايامك**وانخلي دفء الحب النقي قدامك**وانخلي زها الايام دوبي دوبك
***
تسلم حياتك وطابت اوقاتك يلى يزهى القلب بــ ملاقاتك وتضحك العين كان راتك
***
زايد حده .... جمال فى عيونك .... نين قلبى هده .... خلاص ارحمى
***
معاد فيها ابصارة ,, كل الدباب اليوم من الفليت احيارة ,, ماعاد نسمع زنهم
***
كان الجفا يرضيك يا مجفيني نصبر على فرقاك لين تجيني
***
غوالي عليا أعزاز كيف عيوني ..لا شلتهم من البال ..لا نسيوني .*
***
ما شلتكم من بالي قاعد غلاكم كيف قبل وتالي متل الدهب في السوق سعرا غالي
***
مع العزاز طريق بدينا... نمشوا عالسمحه والشينه...
***
ما زلت نا الحنون حتى وأنت جافي وطلتك بالهون
***
وحق من نزل القران سورة سورة غلاك وسط القلب واخد دوره .. يلي عليا تعز
***
فــاقــد حـنـيـن الــكــبد لكـن صابــــر .. بــنــموت مــن فــرقـــاك غــير إنــكابــر
***
مانك هاين سوا غبت ولا عالنواظر باين قدرك كبير معاي ....مانك هاين
***
يابعيد علينا . كل يوم طيفك فالمنام يجينا_ماغبت عنّا
مايوم عنّا غبت . حتى وانت متباعد وماقرّبت
في غيبتك طيفك النا عقبت . كل يوم ياغايب يونس فينا
***
ياعيني في عز ربيعك********* مانحساب عزيز يبيعك
***
الليل بطوله .. عليهن خطر غالى صعيب وصوله ..سامرات ما باتن الليل بطوله
***
ديمه تصير .. يرخى عزيز يبدا نصيب الغير .. هى مصيبه صايره وديمه اتصير
***
نرجوك ياغزيز ادير حتى رنة....العين سامرة منك خبر تستنى
***
بالله ياناوي الرحيل استنا خود قلبى ودير بالك منه
***
هنت الغلا نلقنك قصرت ...صحيت ومنور عليما درت
***
غير يجيني مازال في عقلي ان هو ناسيني نلقاله عزيز العذر غير نشوفه
لا نريد عذر لا نريد حلوفه اللي في غيابه كبدتي ملهوفه القاسي اللي ما حن كيف
حنيني من غير عذر مقدرين ظروفه عندي عزيز وجيته ترضيني
***
يا مصعبها .. بعيد صبحها و بدري حضر مغربها ليلة بلا لولاف يا مصعبها ..
***
امشيلهم طمني وقول للغوالي شي واااااااااااااااااااحد عني .... غلاهم غلاهم رفيق العمر قطعة مني
***
ماني راخي نار الجفا تاكل وزاد صراخي واني فيك متمسك وزاد صراخي
***
قاعدين رفاقه لين البحر يصبح لذيذ مذاقه ع الصوب ديما قاعدين
***
لو نضمـن في النـوم تجونـي ... راقـد من المغرب تلقونـي
***
الرقم القديم القيتَ داير رنه..........ايش خطره وايش جاب عقله كنه.
طلبته طول ما با ايرد او دارلي مشغول....وين انرن عليه وين نطلبه مقفول .
عرفته انه غلطان موبيديه........وايام الغلا نحسابهن هفنه.
او مادام رقمنا قاعد اومو ماحيه.......غريب علي ليام ما نسنه
***
كرموس يوفى و الورق يا ليمه و الموجعه في القلب تقعد ديمه
***
كل يوم نتمنى اندير قصيدة بيش نمدحك يمي رضاك انريده
***
ساكت وماعندي كلام انقوله للي بعيد وماقدرت انطوله
ماعندي كلام انرده إلا العين تبكي من حوايج عدة
بعدك وشوقي ليك زايد حده
منك انهاتي حالتي معلولة
وسط الوطا ماضن قلبي ايسده
بلا شوفتك زادن عليه احموله
***
جاهم النوم وناموا . اللي واخدين العقل مايلتاموا. أعزاز رقدوا
***
الخاطر يتمني يلقاك و يحكي معاك و ما يتحرك من يالاك
***
يا نسمات الليل امشيله... الغالى فى ودنه قوليله... فى الدنيا مالقيت متيلة.
***
معاكم فى الغلا كان ضاع رانا ضعنا... ومع غيركم كان ضاع مايوجعنا.
***
قديم نسيته تعرف ليش !! الى ماتت معاد تعيش
***
يا الله ديما ديما لا تشوفي هم و لا تجيك ظليمه و يجعل خطاك منوره و سقيمه
***
خلاني قلت انخليه.دعايا بكرة يبان عليه
***
ويش ايشيله لاعزم عندى لاجهد لاحيلهغلاكم سكن فالقلب ويش ايشله
***
النشده خير وحق الغلا والحب ولتقديرعليكى يا المرحه النشده خير
***
ياجافينا ركز وصوب بالرصاص علينا**كنك نويت الهجر ياجافينا
***
محبة خوت ماهي محبة زايفة***في اعيوني يبان الشوق وانت شايفة***ماهو طمع في جاه.
***انعزك لوجه الله***ولي عين من طول الغياب امرايفة**محبة خوت ماهي محبة زايفة
***
عيني ما حاجة تبيها غير اتشوف عزيز عليها
***
مناني عديم ظمير **انغالي عزيز ويهون في الاخير **وعلي تنحسب
***
انحبك رسمى.........وتميت كيف الدم داخل جسمى .....مش غير شوق اوود
***
ميت موت على شوفتهم ****** يحسابوا عقلى فايتهم
***
خير ماانواعيك . . . عطيني رقم نومك بيش نحلم بيك . . . وتغمض عيونك
***
وينك ياغالي جافينا . . . اتفكر فينا . . . والا مع الدنيا رامينا
***
كان انسيت قديم بسية .... نبقا ماني داير غية ...
***
راكم اعيوني .. و ناس وااااجده بودكم حسدوني .. عليكم انلوم لو تنسوني
***
يا شاغلني .. كانك حضرت الدفن امغير احضني .. بالك الروح اترد
***
ماإيداوي عينى خاطيهم .. ناس عزاز خديت عليهم .
***
غلاكم يالولاف مليح .. خلانى نوقف وإنطيح
***
نكتب جوابي ونبعته بخبركم يا ساكنين القلب متفكركم
***
بلاك لا زها لا نوم ندعليلك الله لا يغيبك
***
الباهي ما يقول غير الباهي وإن شاء الله فرحان ديما زاهي
***
يا العزاز غلاكم قاعد في عقلي ماهو متباعد
***
يامكبرها تاكل في اعروقي نار من يبصرها ... كبيرة عليه العقل
***
داير عليك اكبيدة حتى ابعاد في قلبنا تنهيدة صعيبة الحياة
من بعد عشرة وطيبة والقريب اتسيبة
بالله يانفس ما اديري العيبة كوني صبورة بعد طول الغيبة ..
***
يامرهون دبر امعاي عليها..... انحطك مكان الروح والا فيها
***
حـــتـــــــــــى
إنــــــــــكـــــان أعـــــــزاز نـــســـــــــونــــــــــى
فــــــى وســــــــــط الـــــوارد
يـلــــقـــــــــونـــــــى
***
مااتحس نار البعد لين اتجرب .. تاريتنى مالى اعزوم عليها
غير كيف وامتى ياعزيز اتقرب .. تنشد عيك العين بيش اتجيها
تصدق اقوال عربنا عرفنا بعد جربنا ..النار ماتحرق الا واطيها


تحياتي لكم وتقديري



المصدر: منتديات شباب ليبيا الحرة - http://shabab-libya-top.2areg.com/








[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shabab-libya-top.2areg.com
نور فبراير
عضو فضي
عضو فضي


احترام قوانين المنتدى :
الجنس : انثى
عدد المساهمات : 396
تاريخ التسجيل : 18/09/2011
العمر : 27
الموقع : ليبيا الحرة

مُساهمةموضوع: رد: مجموعة متنوعة من المسجات والخواطر الليبية    الجمعة ديسمبر 02, 2011 7:18 pm

بيت غلاك الـــروح بناته***ثابت والعيـــن اروقاته

سلمت وصحيت خوي الكاسح
تقبل مشاركتي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مجموعة متنوعة من المسجات والخواطر الليبية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب ليبيا الحرة :: منتديات التكنولوجيا :: الهواتــفـ المحمولــة :: مسجات النقال-
انتقل الى: