منتديات شباب ليبيا الحرة
اهلا بك عزيزي الزائر نرحب بك في الانضمام لأسرة منتدانا ونتمنى لك قضاء امتع الاوقات برفقتنا اضغط على التسجيل اذا كنت غير مسجل وشكرا لك على الزياره


منتديات شباب ليبيا الحرة


 
الرئيسيةالبوابةاليوميةمكتبة الصورس .و .جبحـثقائمة الاعضاءالمجموعاتالتسجيلدخول
المواضيع الأخيرة
» معايدة عيد الفطر المبارك
الجمعة يوليو 08, 2016 10:10 pm من طرف الهبيل

» نيمار يجدد عقده لخمس سنوات
الجمعة يوليو 01, 2016 5:35 pm من طرف الهبيل

» زكاة الفطر
الجمعة يوليو 01, 2016 5:20 pm من طرف الهبيل

» دعاء القنوت وحكمه في صلاة الفجر
الجمعة يوليو 01, 2016 5:00 pm من طرف الهبيل

» ســجل دخـولكـ بـنــطقْ الشهــادتيـن ..!!
الجمعة يوليو 01, 2016 4:55 pm من طرف الهبيل

» مراسم أداء القسم وتكليف الفريق خليفة حفتر قائداً عام للجيش الليبي
الجمعة مارس 13, 2015 12:10 pm من طرف الـكـاسـح

» تعزيه الي ابناء القبه
الجمعة فبراير 20, 2015 11:27 pm من طرف الـكـاسـح

»  سجل حضورك بكلمتان خفيفتان علي اللسان ثقيلتان في الميزان
الأحد فبراير 15, 2015 9:04 pm من طرف الـكـاسـح

» سجل حضورك بالصلاة علي المصطفي الحبيب سيدنا محمد
الأحد فبراير 15, 2015 9:01 pm من طرف الـكـاسـح

أفضل 10 أعضاء في هذا المنتدى
بنت بنغازي - 3790
 
الهبيل - 2483
 
الـكـاسـح - 1398
 
السنيورة - 735
 
نور فبراير - 396
 
ورفلي حر - 348
 
ابتسامة شهيد - 156
 
سمآ - 132
 
tofrelouir - 111
 
مصاص الدماء - 93
 
المواضيع الأكثر شعبية
طريقة اشهار منتدانا ع الفيس بوك
كباب لحم في الفرن
سجل حضورك بالصلاة علي المصطفي الحبيب سيدنا محمد
دفتر الحضور والغياب ممكن توقعو..
الــرقـمْ القــيآسـى لمنتـــدى شبآب ليبيا الحــرهـ ..!!
ســجل دخـولكـ بـنــطقْ الشهــادتيـن ..!!
العملة الليبية الجديدة
سجل حضورك بمدينة من مدن ليبيا الحرة!!!
$$$$ سجل دخولك بكاريكاتير ... $$$$
سجل حضورك بكلمتان خفيفتان علي اللسان ثقيلتان في الميزان


شاطر | 
 

 مصطلاحات في غناوي العلم والشتاوي ادخل لتعرف معناها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت بنغازي
المراقبة العامة
المراقبة العامة


احترام قوانين المنتدى :
وسام العطاء
الجنس : انثى
المزاج :
عدد المساهمات : 3790
تاريخ التسجيل : 08/10/2011
الموقع : بنغازي

مُساهمةموضوع: مصطلاحات في غناوي العلم والشتاوي ادخل لتعرف معناها    الأربعاء فبراير 01, 2012 9:53 pm

مصطلاحات في غناوي العلم والشتاوي ادخل لتعرف معناها



الاخوه والاخوات الاعضاء والزوار الكرام

نظرآ لصعوبة بعض المصطلاحات في اللغه العاميه الليبيه وهناك البعض الهاوي لي

( صوب خليل )ولكن يجد صعوبه في بعض المصطلاحات وهناك البعض الاخر الذي لايفهم اللغه الليبيه العاميه

ان شاء الله انعرفو ببعض المصطلاحات الشائعه :


العزيز وهو كل شخص ايعز عليك سواءآ كان حبيب او زوج او زوجه او اب او اخ او اخت او ام ......الخ يعني كل من تكن له معزه في قلبك

عزيز هو دواي وداي مشكاي وطبيبي وعلتي

عزيز الغايب هو مشكاي طبيبي والعله ودواي

الجديد وهو الشخص الذي ياتي بعد علاقه قديمه ويطلق جديد علي اشياء اخر وي معاني اخر ليش الشرط في علاقه جديده فقط

جديد ياجديد امعاك روحي انسيت يابال القدم

عمرك ريت جديد اصغير في لذعات قديم ايطير

القديم وهو الشخص الذي انتهية علاقته ويسمي قديم ولكن قد يعود في اي لحظه

فعيونه قديم قريت نادم ايريد عوده للغلا

يالقديم بعد هالمده نادم وتفكر فرده

المرهون وهو الشخص الذي ممسوك من الطرف اي الذي له علاقه ولكن في اي لحظه يستطيع ترك هذهي العلاقه اي رهن مؤقت

مرهون قال فيدي لامر نقعد غضي لوكان يرشقن

الحيلا يامرهون عليش اللي ماتت ماعاد اتعيش

الفضي والشخص الفاضي يعني ليس مربوطا بشي اي عكس المرهون

الفاضي انحايل بيه وحالما ابها عيني غني

نارك يالفضي حاملها ياتقتلني يانقتلها

الغني والشخص المتزوج ولديه ابناء اما في حالته الرجل فهيا مسئله ليست صعبه ولكن اذا كانت امرئه فهي صعبه لانها متزوجا

جميع من ايجي ساوال ينشد امنيش قولو م الغني

غني نحسبلا لقدام ايشيلن وايودن لقسام



الجرح ويعني الجرح من الحبيب اوالصديق او من اي انسان اخر (وهناك جرح لولاف وجرح القديم وجرح الغني وجرح الجديد )

وراكم انسيتو جرح ردو عليه داووه واربحو

الجرح اللي قؤب يلتم اتقول انداوي فيه ابسم

اللوهام وهي المكان الذي كان ياتي اليه او مكان كان فيه وانتقل منه ثم عاد اليه بعد فتره من الزمن فتذكر ماكان فيه او مكان لقائه وهو ومن يحب وتسما اوهام

مانبكو الا فيهن عطيت عهد لمواهيمهم

القايد والمقيود ونا اعمينا ولوهام خلا

الدار وهو المكان الذي تربا فيه او كان يسكنه هو ولكن مع مرور الوقت اصبح هذا المكان خرابا اوالدار يقصد بها منزل احبائه

عليك دار كنتي دار وعليك دار يادار باقيا

يادار قديم اخرب جالك لاتنهلبي لاينجالك

النوم وهو النوم ويقصد به في (صوب خليل )هو عدم القدره علي النوم بسبب علاقه او جرح اوي اي شي اخر

حتي قبل لمغالاه مرقد الليل ماني اموالفه

ياريتك يانوم اتجينا كيفك كيف اللي ناسينا

الغلا وهو الحب او المحبه لي شخص

الغلا امغير حرق اكبود قليل وين لولاف يقسمو

غالي غاليتا في عودي ماعد سال علي ميجودي

الفراق وهو الهجر او الترك

يلي فارقتي وعزلتي كيف بلا روني خاطي

السيه وهي من السوايا وهي التي لاتتوقع ان ياتيك بها فاعلها

يالقديم السيه سيا حتي لوصفيت النيا

الرحيل وهو ان يتركك من تحب او يبتعد عنك لي سبب من الاسباب ولكنه رحل

مي خاطيا عزيز عرفت حوست رحيل جاني علمها


الفقد وهو فقد الانسان العزيز علي قلبك

فقد اعزاز الناس حكبا فقدات هند البوها عتبا

الرجاوهوالانتضار سواء انسان تحبه تنتضره او شخص اخر

واجد ياغالي راجيتك.....لكن مافيدي قسميتك

البيت وهو البيت الشعبي ولكن يقصد به في صوب خليل تشبيه لحاله

نابيت وانت جابر فيه كروك طحت نا في جرتا

التقذير وهو غناوي خاصه بلغنم فيصف فيها الغناي الطوقه والغره النقطه وكلها تشبيه او الذيب

الطوقا اللي ف الضان دوا الذيب جا في كبدها

البكا وهو البكاء سوا من حبي او من فقد شي

نبكي عليك نين انموت هذا عهد خضا بينا

العين وهي تشبيه لعين الشخص المحب فيكون لديه حوار بينه وبينها وليس شرطا ان يكون محبا اي شخص اخر
انخاف يالعين العين سماحة غلانا اتخربا

الخلا وهو المكان المقطوع ويكون خاليا من الناس

من ضيق علمنا مرات نهلب الدوج ونبات ف الخلا

الدوج وهو المكان المزدحم باناس وهو عكس الخلا

نمشي ف الوج ونا حايس مو فاطلي غير القايس
العقل وهو عقل الانسان والاغلب تكون حوار بين الشخص وعقله

نتبع في عقلي قايلي مانكبر نار علي قلي

النار وهي في اغلب الاحيان نار الحب وقليل مايقصد بيها معني اخر

من النار ماقعد مانقول وياعزيز هضي ناجيا
الياس وهو الياس اي شي ميئوس منه

جنين غلانا م الياسات تقلب هك وهك ومات




منقول

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مصطلاحات في غناوي العلم والشتاوي ادخل لتعرف معناها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب ليبيا الحرة :: المنتديات الادبية :: الشعر الشعبي-
انتقل الى: